Еден од најблиските советници на актуелниот американски претседател Доналд Трамп, Илон Маск, изјави дека се надева дека ќе воспостави трговска зона без царини меѓу САД и Европа, пишува Би-би-си.
„Се надевам дека ќе се согласат дека и Европа и САД ќе се движат, барем според мене идеално, кон систем без царини, кој во суштина би создал слободна трговска зона меѓу Европа и Северна Америка“, рече Маск, кој зборуваше преку видео врска до Конгресот на италијанската десничарска партија Лига во Фиренца.
„Луѓето мора полесно да патуваат“
🇺🇸 Full speech of @elonmusk at the Congress of Lega in Florence. Thank you again, Elon!#CoraggiodellaLibertà#CongressoLega2025 pic.twitter.com/aefCoXOvbx
— Matteo Salvini (@matteosalvinimi) April 5, 2025
Тој додаде дека заедно со укинувањето на царините треба да се овозможи полесно движење на луѓето меѓу континентите.
„Јас сум и за поголема слобода за луѓето да се движат меѓу Европа и Северна Америка доколку сакаат. Тоа, на крајот на краиштата, беше мојот совет до претседателот“, рече Маск.
Според Би-Би-Си, се чини дека ова е првата изјава на Маск за царините, откако Трамп најави нови (за некои земји и големи) царини за стоки од речиси целиот свет.
Маск ја искористи можноста да ги критикува регулативите на ЕУ, велејќи дека тие го задушуваат претприемништвото.
„Поради строгите европски регулативи, Европа не е добро место за започнување нов бизнис“, рече Маск.