12
Фрустрираниот Џуд Белингем го исфрли целиот свој гнев на ВАР екранот по шокантниот пораз од Валенсија со 2:1
Имено, не се зборува ниту за промашениот пенал на Винисиус, ниту за победничкиот гол на Валенсија во судиското надополнување. Играчот на Реал, Џуд Белингем е во преден план по натпреварот, а не поради добра причина.
Имено, по натпреварот англискиот репрезентативец помина покрај ВАР опремата и во налет на фрустрација бесно ја шутна технологијата.
😡 Frustré par la défaite après #RealMadridValencia, Bellingham a donné un coup de pied à l’équipement VAR avant de rentrer aux vestiaires.
📹 @DMQRealMadrid pic.twitter.com/fPFDZY4rCL
— LigActu 🇪🇸 (@LigActu) April 6, 2025
Ова го наметнува прашањето дали Белингем ќе отсуствува неколку натпревари за да се олади. Според правилата на Ла Лига, за неспортско однесување, кое вклучува намерно оштетување на имотот на лигата, фудбалерот може да добие суспензија од еден до три натпревари.
Во отсуство на Белингем, Реал би се соочил со голем проблем во завршниот дел од сезоната и во време кога борбата за шампионот на Шпанија е крајно неизвесна.
Кралскиот клуб моментално се наоѓа на втората позиција во шпанското првенство со четири бода помалку од Барселона и три повеќе од Атлетико Мадрид.