21
Во неделата вечерта била фрлена бомба на куќата на поранешниот фудбалер на Ливерпул, Јоси Бенајун, јавуваат израелските медиуми.
Бенајун, кој сега има 44 години, бил во својот дом со семејството во Рамат Хашарон, северно од Тел Авив, кога бил погоден од фатална експлозија.
Инцидентот се случил во неделата околу 23 часот кога напаѓач со мотор застанал пред неговиот дом и фрлил експлозивна направа на вратата, по што побегнал од местото.
Бенајун ја слушнал експлозијата и бил видно потресен, но претпоставил дека се работи за експлозија на плинска боца.
Во експлозијата нема повредени, но бомбата предизвикала пожар кој брзо бил изгаснат од противпожарните екипи.
Во пожарот е причинета материјална штета.
Полицијата ја истражува експлозијата, за која се верува дека е криминален напад, а не тероризам.
„Полицијата од станицата Жило пристигна на местото на настанот и започна истрага. Експлозијата предизвика материјална штета. Нема жртви“, изјави портпаролот на полицијата.
Потресениот Бенајун сугерираше дека бомбата била наменета за некој друг, а не директно насочена кон него.
„Ова е дефинитивно грешка – верувам дека бомбата не беше наменета за мојата куќа“, рече поранешниот израелски капитен, додавајќи:
„Најпрво помислив дека се работи за експлозија на плинска боца, па повикавме пожарна. Дури кога полицијата пристигна во куќата и ги најде остатоците од бомбата, сфативме што се случило“:
За потсетување, Бенајун играше 102 пати за својата репрезентација и е рекордер за репрезентацијата на Израел, за која постигна 24 гола.
Кариерата ја започна во Хапоел Бер Шева, а потоа играше за Ајакс, Макаби Хаифа, Расинг, Вест Хем, Ливерпул, Челси, Арсенал, Вест Хем, КПР, Макаби Тел Авив, Беитар Ерусалим и Макаби Петах Тиква.
Тој беше израелски фудбалер на годината во 2001 година, а со Челси ја освои Лигата на Европа во сезоната 2012/2013.