Close Menu

🎥Ова го може само Барса – на половина час пред крајот губеа со 3:1, а потоа…

Press Online СПОРТ

Неверојатна победа на Барселона во 32. коло од Ла Лига. До 64. минута, тимот од Каталонија губеше од Селта на домашен терен со 3:1, а потоа со неверојатен пресврт победи со 4:3.

Барселона на тој начин се зацврсти на првото место на рангирањето. Со натпревар помалку има седум бодови повеќе од второпласираниот Реал Мадрид. Селта остана седма во поредокот.

Веќе во 12. минута Барселона поведе со многу убавиот гол на Феран Торес кој шутираше прецизно од врвот на шеснаесетникот. Дека Барселона ќе има проблеми против клубот од Виго се покажа само три минути подоцна кога Борха Иглесијас погоди за 1:1.

Во првото полувреме немаше повеќе голови, а потоа Иглесијас имаше нова експлозија во воведниот дел од вториот дел. Тој постигна два гола, во 52. и 62. минута за целосен молк на домашните навивачи.

Барселона успеа многу брзо да се врати во игра. Дани Олмо во 64-та намали на 2:3, додека во 68-та веќе беше 3:3 кога со глава го погоди Рафин. Семафорот покажуваше 3:3 до судиското надополнување, а потоа прекршокот над Олмо во гостинскиот шеснаесетник беше окарактеризиран како пенал. Од пенал Рафиња беше мирен и прецизен за големото славје на Барселона од 4:3.

Поврзани содржини