8
Грег Попович (76), легендарниот кошаркарски тренер повторно има здравствени проблеми. Му се слошило во ресторан, а детали за непријатната ситуација откри „TMZ Sports“.
Според TMZ, Попович се онесвестил, по што интервенирала Брза помош и го пренела во болница.
На видеото до кое дојдоа американските медиуми, може да се види како Попович околу 20:20 часот влегува на носилки во возило на брза помош.
Официјалните лица потврдија дека повикот бил упатен за постаро лице кое се онесвестило и дека пациентот има медицински состојби кои не се опасни по живот.
#SanAntonioSpurs legend #GreggPopovich left a local restaurant in an ambulance Tuesday night … after officials say they responded to a call for an elderly person who had fainted, #TMZSports has learned. All we know about what happened: https://t.co/JoLq4otgjk pic.twitter.com/r51itgWEvg
— TMZ Sports (@TMZ_Sports) April 18, 2025
Попович и официјално и натаму е тренер на Сан Антонио со кој освои пет титули во НБА лигата, но прашање е дали некогаш повторно ќе се најде на теренот во истата улога.
Инаку, Попович беше и селектор на Соединетите Американски Држави, со кои го освои златото на Олимпијадата во Токио. Пред да стане тренер во Сан Антонио, тој работеше и како асистент во истиот клуб, но и во Голден Стејт, Канзас…