4
Амбасадорката на САД, Анџела П. Агелер, ја истакна важноста на одржаната тркалезна маса „Дали ни е потребен Закон за Уставниот суд?“, која имаше за цел да отвори дебата за евентуалната потреба од донесување посебен закон за регулирање на работата на Уставниот суд. На настанот, кој се одржа во Уставниот суд, Агелер ја нагласи клучната улога на транспарентноста во зголемувањето на довербата во судството и неговите одлуки.
„Транспарентноста не само што ја гради довербата, туку и помага за зајакнување на независноста на судството. Улогата на независен Уставен суд е основа за здрава демократија и тоа е клучно за правата на граѓаните“, рече Агелер, додавајќи дека во овој момент судиите треба да ја запаметат својата заклетва и да ги имаат предвид граѓаните за кои работат.
Амбасадорката исто така ја поздрави дебатата како чекор напред во зголемување на транспарентноста на Уставниот суд, кој со оваа иницијатива може повторно да го изградат своето кредибилитет и довербата кај граѓаните.
„Законите во оваа држава мора да работат во полза на граѓаните, без разлика колку се комплицирани. САД продолжуваат да го поддржуваат судството со цел обезбедување на правдата, која треба да остане пристапна и непристрасна“, изјави Агелер.
Во рамки на тркалезната маса, се одржа презентација на наодите од анализата за потребата од донесување на Закон за Уставниот суд, изработена како дел од ЕУ-финансиран проект. Претседателите на Уставниот суд, Гордана Сиљановска Давкова и Дарко Костадиновски, како и евроамбасадорот Михалис Рокас и германската амбасадорка Петра Дрекслер, ја поздравија иницијативата за отворање на јавната дебата.
Во текот на настанот, говореа и експертите Карстен Манке, Мартин Сопронов, и Маргарита Цаца Николовска, кои ги претставија анализите за потребата од закон за Уставниот суд. Тие беа следени од судиите на Уставниот суд, Ана Павловска-Данева и Татјана Васиќ-Бозаџиева, како и од правниците Тања Каракамишева-Јовановска, Јетон Шасивари, Денис Прешова и Рената Дескоска. Од граѓанскиот сектор, ставови изнесоа Дарко Аврамовски од Коалиција „Сите за правично судење“ и Бојан Трпевски од Асоцијацијата на млади правници на Македонија.
Се очекува дека дебатата ќе продолжи со цел да се дојде до решение за унапредување на функционирањето на Уставниот суд и судската независност во државата.