Русија објави дека планира да ги прекине борбите во Украина од полноќ на 7-ми до 11-ти мај, по повод 80-годишнината од крајот на Втората светска војна. Кремљ на Телеграм соопшти дека „верува дека и украинската страна треба да го следи овој пример“.
Во соопштението се додава дека „во случај на украинско прекршување на прекинот на огнот, вооружените сили на Руската Федерација ќе обезбедат соодветен и ефективен одговор“. Кремљ, исто така, повтори дека „руската страна е подготвена за мировни преговори без предуслови, насочени кон елиминирање на основните причини за украинската криза и конструктивна соработка со меѓународните партнери“.
За време на велигденскиот викенд, Русија еднострани прогласи 30-часовн прекин на огнот, но Киев ја обвини Москва за 3.000 прекршувања на тој прекин на огнот, вклучително и повеќе од 1.800 артилериски напади и стотици напади со беспилотни летала.
Украинскиот претседател Володимир Зеленски тогаш изјави дека Украина ќе одговори „со молк за молк, удари за удари“, нагласувајќи дека довербата во руските најави е ограничена поради минатите искуства со кршење на договори.