11
Британската актерка Хелен Мирен, која денес полни 80 години, за списанието OK! изјави дека не старее „грациозно“, туку „со забава и посветеност“.
„Воопшто не стареам грациозно! Го мразам тој термин – звучи како да мора да бидете елегантни и прифатливи, а јас не сум. Стареам со забава, со посветеност, но не и грациозно. Кого го интересира грациозноста“, рече актерката.
Таа забележа дека го смета за навредливо кога луѓето ѝ велат дека изгледа добро за нејзините години, бидејќи таквите коментари честопати ги смета за „покровителски“.