1
Европската комисија изјави дека Србија и Косово го потпишале Бриселскиот договор „свесно и по своја слободна волја“. Тие ова го изјавија за Н1 телевизија, коментирајќи ја изјавата на министерот за внатрешни работи, Ивица Дачиќ, кој беше потписник на овој документ, дека меѓународната заедница ја измамила Србија кога бил потпишан Бриселскиот договор.
ЕУ сè уште очекува двете страни да го спроведат она што го ветија, додавајќи дека тоа ќе има позитивно влијание врз европската интеграција на Србија.
„И Косово и Србија ги склучија договорите целосно свесно и по своја слободна волја. Овие договори остануваат во сила. ЕУ очекува двете страни да придонесат за атмосфера што ќе биде погодна за помирување и нормализација со своите изјави и дејствија“, рекоа од Брисел.
Иако нема состанок на највисоко ниво, Европската комисија инсистира дека дијалогот не е прекинат и потсетува дека техничките преговарачи се состанале во јуни.
Н1 телевизија додава дека не споменале дека тој состанок „не довел до никакви резултати, како повеќето официјални состаноци во рамките на дијалогот меѓу Белград и Приштина, како и неофицијалните, одржани на маргините на разни меѓународни собири“.
„ЕУ е подготвена да биде домаќин на следната рунда разговори штом страните покажат подготвеност, вклучително и на највисоко ниво“, додадоа тие.
Европската комисија тврди дека помагањето на Србија да напредува кон ЕУ е еден од нејзините приоритети. Но, дека токму Србија мора да ги спроведе реформите потребни за да ги достигне европските стандарди и да покаже резултати.
ЕУ сè уште очекува двете страни да го спроведат она што го ветија, додавајќи дека тоа ќе има позитивно влијание врз европската интеграција на Србија.