11
Новинари од неколку британски медиуми објавија дека Израел им забранил да ја снимаат Газа од авионот што доставувал воздушна помош на гладното население. Треба да се истакне дека помошта од воздух е недоволна и дека повеќе личи на маркетиншка кампања отколку на намера за помош.
Репортерката на „Скај њуз“, Сали Локвуд, која била на лет на Кралските јордански воздухопловни сили, опишала дека видела километри и километри сиви урнатини.
„Ни е кажано дека израелската страна предупредила дека секое снимање од воздух на Газа може да резултира со откажување на овие летови за помош. Но, цврстата контрола на Израел не го спречи ширењето на сликите од Газа, ужаснувајќи ги луѓето низ целиот свет. Прашањето сега е што друго ќе направи меѓународната заедница во врска со тоа“, напиша Локвуд.
Истата информација ја пренесе и Џереми Бовен од Би-Би-Си, кој исто така бил на еден од летовите.
„Израелците не сакаат да снимаме низ прозорците како се случува пустошот во Газа, но јас гледав со свои очи 10 минути и можам да кажам дека заедниците на север од Газа, кои добро ги познавам, каде што живееле десетици илјади луѓе, со тежок живот, но со силен дух, смирен. Ништо не останало од нив“, рече Бовен.
Тој потсети дека Израел не им дозволува на новинарите да влегуваат во Газа за да известуваат и дека не сакаат Газа да се гледа и снима дури ни од воздух.