4
Прославениот ас на Манчестер Јунајтед, Антонио Валенсија, се соочи со непријатна ситуација по која стана херој во својот Еквадор. Тој спаси млад човек во главниот град Кито откако забележа дека сака да се самоубие.
Откако ја заврши кариерата пред четири години, Валенсија (39) се врати во родниот Еквадор, каде што живее денес. Таму доживеа голема непријатност и драматични моменти, кои сепак завршија на најдобар можен начин.
Поранешниот крилен играч на Манчестер Јунајтед од славната ера предводена од Алекс Фергусон, видел млад човек кој сакал да се самоубие. Додека минувал покрај мостот, видел што сака да направи младиот човек и не се двоумел, веднаш реагирал и го спасил.
„Синоќа имав искуство кое беше далеку од пријатно. Еден млад човек сакаше да си го одземе животот на овој мост, а беше многу млад. Излегов од автомобилот и му се приближив. Не го спасив, но му зборував. Се обидов да кажам неколку зборови за да го мотивирам, но беше многу тешко“, рече Валенсија, објавувајќи фотографија направена по драматичните моменти.
Еквадорецот објасни што се случило потоа. За среќа, додека разговарал со младиот човек, успеал да „купи“ време и неговото семејство пристигнало да го спаси.
„Фала му на Бога што неговото семејство пристигна во тоа време. Тој одлучи да не си го одземе животот. Ве молам, ајде да се грижиме за себе, за нашите умови и за нашите срца. Менталното здравје е многу важно. Ве молам, ајде да се грижиме за ова, животот е многу кревок“, додаде Валенсија.
Неговиот поранешен соиграч од Јунајтед, Андреас Переира, исто така, се надоврза на објавата, пишувајќи: „Одлична работа, брате“, пофалувајќи го одговорот на Валенсија.
Патем, Антонио Валенсија го носеше дресот на Манчестер Јунајтед 10 години и освои две титули европски шампиони со клубот.