12
Познатиот водител Иван Ивановиќ објави на социјалните мрежи дека се прекинува емитувањето на емисиите „Вечер со Иван Ивановиќ“ и „4 и пол мажи со Иван Ивановиќ“ на Блиц телевизија.
Во објавата на неговата Facebook страница, водителот наведе дека компанијата Ringier Serbia DOO го искористила своето право и еднострано го раскинала договорот.
„Ringier Serbia DOO го искористи своето право и еднострано го раскина договорот, бидејќи ‘придонесот на емисијата не ги исполнил очекувањата, но ја загрозил репутациската слика на компанијата во врска со јавните настапи на лица кои се идентификуваат со емисијата’,“ започна во објавата.
„Со оглед дека не сум „дозволен“ ниту во слободните, ниту во неслободните медиуми, од јавни настапи во последната година имам свој ‘X’ профил, девет трибини со студенти и говор во Нови Сад, исто како и остатокот од екипата. Затоа, претпоставувам дека станува збор за мојот ‘X’ профил. Сакам да истакнам дека никогаш во кариерата не сум бил послободен отколку во оваа последна сезона на Блиц ТВ. Ако ова беше лабудова песна, мило ми е што беше најслободна во најнеслободното време. Особена благодарност им должам на вас, кои нè следевте и овозможивте повторно да бидеме најгледана емисија на телевизијата каде што се емитувавме. Вашата поддршка отсекогаш дава смисла на сè што правиме. Ќе видиме што ни носи иднината,“ порача Иван.
Да потсетиме, водителот минатата година во март даде отказ од телевизија Нова С и премина на Блиц ТВ.
Ивановиќ ја започна својата водителска кариера со емисијата „Кеш такси“. Потоа, во 2009 година ја водеше емисијата „Survivor – Враќање во цивилизацијата“, која имаше високи рејтинзи. Благодарение на тој успех, доби понуда да работи на свој формат – „Вечер со Иван Ивановиќ“