9
Брилијантниот Словенец Бенџамин Шешко речиси сигурно ќе го напушти Лајпциг ова лето и ќе ја продолжи кариерата во англиската Премиер лига, а и покрај сите најави, се чини дека ќе заврши на дестинација каде што никој не го очекуваше.
Шешко прво беше поврзуван со Арсенал, но тој договор пропадна кога стана јасно дека Виктор Ѓекереш ќе пристигне на „Емирати“.
Потоа Њукасл стана клубот со кој Шешко беше најтесно поврзан по шпекулациите дека Александар Исак ќе се пресели во Ливерпул, но сега познатиот германски инсајдер Флоријан Плетенберг објави дека Манчестер Јунајтед интервенирал во трката за Шешко.
Имено, челниците на Јунајтед решија да ја искористат „статус кво“ ситуацијата во која се наоѓа трансферот на Шешко во Њукасл, и одржаа состанок со Словенецот, и како што објавува Плетенберг, тие поминале добро, и нема да биде изненадување ако 22-годишниот напаѓач на Лајпциг наскоро биде претставен на „Олд Трафорд“.
Доколку трансферот навистина се случи, Јунајтед би имал сосема ново напаѓачко трио во новата сезона, со оглед на тоа што „Црвените ѓаволи“ претходно се засилија со Матеус Куња и Брајан Мбеумо.