Јавното обвинителство за организиран криминал во Србија, вчера објави дека по шест лица, меѓу кои и Томислав Момировиќ, кој беше министер за градежништво, транспорт и инфраструктура во времето на почетокот на реконструкцијата на железничката станица во Нови Сад, уапсени се уште пет лица, односно вкупно 11.
Меѓу тие петмина уапсени, сопственикот на компанијата „Деко тим“ од Бешка Ненад Игњатовиќ, инвестицискиот менаџер на „Српска железничка инфраструктура“ и менаџерот на проектот за модернизација и реконструкција на унгарско-српската железничка врска Белград – Будимпешта, Слободанка Катаниќ.
Александар Цвјетковиќ, директорот и одговорното лице на Младинската задруга „Менаџер“, како и одговорните лица во неколку стопански субјекти, Драган Поповиќ и Зоран Мијајловиќ, според обвинителството.
Претходно, Обвинителството објави дека шест лица се уапсени како дел од истрагата за финансиските текови на пари поврзани со модернизацијата и реконструкцијата на железничката линија Нови Сад – Суботица – државна граница, како и дека се во тек претреси и апсења на уште пет лица, а во постапката се вклучени уште неколку лица под сомнение дека го оштетиле државниот буџет за повеќе од 115 милиони долари.
Обвинителството тврди дека со склучување анекси на комерцијални договори и спогодби, осомничените Томислав Момировиќ, Горан Весиќ, Анита Димоски, Небојша Шурлан и Слободанка Катаниќ му овозможиле на изведувачот „CRIC – CCCC“ да им фактурира на финансиерите и инвеститорите вкупна вредност на извршената работа на проектот во износ од 1,21 милијарда долари.
Осомничените, според обвинителството, му овозможиле на изведувачот да изврши дополнителни работи за кои била преземена обврска за последователно плаќање по фактурирање во износ од 64 милиони долари, со што се стекнал со финансиска корист за изведувачот, во досега утврдена вредност од најмалку 18 милиони долари, и предизвикал штета на буџетот на Србија во износ од 115.558.520,43 американски долари, што претставува разлика помеѓу преземените финансиски обврски за буџетот на Србија и договорната цена од Комерцијалниот договор.