5
По седницата на Советот за национална безбедност на Србија, претседателот Александар Вучиќ ги коментираше вчерашните апсења, пресудата за Милорад Додик и воената парада во Загреб
Да потсетиме, во петокот во Србија беа уапсени 11т лица, меѓу кои и двајца поранешни министри, како дел од истрагата за корупција по уривањето на натстрешницата на железничката станица во Нови Сад во ноември лани, при што загинаа 16 лица.
Откако вчера на водачот на босанските Срби, Милорад Додик, му беше потврдена казна затвор од една година и шест години забрана за дејствување, српскиот претседател Александар Вучиќ денеска итно свика седница на Советот за национална безбедност.
По денешната седница, Вучиќ рече дека е усвоен заклучок со кој остро се осудува пресудата против Додик. Тој истакна дека овој заклучок е обврзувачки за сите државни институции на Србија и додаде дека ова е најтешката ситуација за земјата од 2008 година.
Комеморација за погромот од „Бура“
Вучиќ ги повика граѓаните да дојдат вечерва на комеморацијата на годишнината од операцијата Бура, која српските вести ја одбележуваат како комеморација за „погромот на српскиот народ“.
„Го забележавте одушевувањето на Западот за парадата во Хрватска, воената парада. Никој не спомнува зошто или како, ниту пак се прашува дали тоа го дестабилизира регионот. А се слави убиството на повеќе од 2.500 Срби и протерувањето на повеќе од 250.000 Срби. Нашата солза немала и никогаш нема да има родители. Но ние не сме народ ако не покажеме почит кон своите жртви. Утре ќе дојдат и претседателот Додик и српскиот патријарх. Сѐ уште нема налог за негово апсење или нешто слично, ќе можете да го чуете. Ќе разговарам со него за да ги дознаам сите негови планови, за да не бидеме само пасивни набљудувачи на она што се случува околу нас“, рече Вучиќ.
Апсењата
Коментирајќи го апсењето на 11 лица, меѓу кои и поранешните министри за градежништво Томислав Момировиќ и Горан Весиќ, во врска со падот на натстрешницата на железничката станица во Нови Сад, тој рече дека му било чудно „како можат да уапсат тројца потписници на документите, а не да го уапсат четвртиот, кој е главен потписник, и притоа ништо да не го прашаат“, пишува Н1 Србија.
„Дали е можно тој да биде заштитен затоа што е пријател на Врховната блокада или е нечиј љубовник“, праша Вучиќ.
Додаде и дека Обвинителството ( за организиран криминал) „охрабрило да се притвора и да се притвора и да се бара притвор за Весиќ и Момировиќ без никаква причина, барем ги видов нивните решенија, претпоставувам дека и овие се слични“, и дека тоа за него е скандалозно.
„Уапсивте тројца луѓе од хартијата, а четвртиот не го ни допревте, којшто е одговорен за потписот на темелот на чиј потпис сите останатите потпишале. Само објаснете ми, ако е тоа можно. Или фактот дека пиете со него во бар го ослободува, го исклучува од секаква одговорност. Мора да се тоа некои чудни работи“, рече Вучиќ во своето обраќање по итната седница на Советот за национална безбедност.
„Сѐ е направено во согласност со Европејаните“
Кажа и дека досега странците главно одредувале кој ќе оди зад решетки, обвинувајќи го главниот обвинител за организиран криминал Младен Ненадиќ дека акцијата ја спровел во договор со Европа.
„Дури и тој, кога повикувал одредени државни органи да ја работат својата работа, рекол: `Мора тоа да го направите, сѐ е договорено со Европјаните“ Имаме уште сведоци, а ќе има и уште кривични пријави во склад со тоа. Значи, ќе мора да кажат кои Европјани барале одредени лица да бидат уапсени. Затоа што сметав дека тоа треба да се направи врз основа на законот и Уставот, а не да се испраќа на одобрување во некои амбасади. Затоа е целата приказна за потребата од некои избори, не затоа што мислат дека ќе победат на изборите, знаат дека нема, нема никаде да победат, туку е потребна дополнителна криза за да се каже дека некој украл нешто некаде”, рече тој.
Без да прецизира на кого се обраќа, тој рече дека „тие“ заборавиле дека тој не е Милошевиќ.
“Милошевиќ, којзнае зошто, беше пошармантен, попаметен и сѐ друго. Јас сум малку повнимателен. И за нијанса потемелен во одредени работи. И нема да кажам похрабар, но воопшто не се плашам од нив. Ниту од нив, ниту од нивните шефови. Значи, фактот дека молчам и не одговарам на сѐ, не е затоа што не знам нешто, туку затоа што не сакам. И затоа што сакам да ја спасам оваа земја од нивната неодговорност и од сѐ друго. Значи, на крајот сѐ ќе биде под контрола“, рече тој.