1
Славниот англиски фудбалски клуб Манчестер Јунајтед оваа сезона ги отвора вратите за навивачите за гледање на гостувачките мечеви на „Олд Трафорд“.
Новата програма која што ќе ги чини навивачите 29 евра по меч, ќе им овозможи на навивачите што не можат да купат билет за гостувачките натпревари да го следат „Јунајтед“ од сала во „Олд Трафорд“.
Атмосферата во салата ќе биде опуштена, како во паб. Ќе биде опремена со големи екрани на коишто ќе се прикажуваат мечевите, како и бар и топла храна.
Влезницата од 29 евра вклучува еден бесплатен пијалок како и порција храна.
Оние што имаат сезонски билети сега имаат можност да купат влезници за стадионските проекции на првите три гостувачки натпревари на сезоната – против Фулам, Манчестер Сити и Брентфорд.
Манчестер Јунајтед сезоната ќе ја отвори со натпревар на свој терен против Арсенал, а првото гостување ќе му биде во второто коло – против Фулам.