9
Познатиот пејач Џастин Тимберлејк за прв пат јавно проговори за сериозната болест што му го промени животот. Во објава на Инстаграм, тој откри како му е дијагностицирана Лајмска болест, која многу влијаела на неговиот секојдневен живот и кариера.
„Обично не споделувам многу за мојот приватен живот, но додека се подготвувам за нова турнеја, чувствувам потреба да бидам искрен со вас. Поминав низ предизвикувачки период, а меѓу другото, се соочив со дијагноза Лајмска болест. Не го кажувам ова за да предизвикам сожалување, туку да покажам низ што поминував надвор од рефлекторите“, рече тој.
Тој опиша колку физички и ментално го исцрпувала болеста и призна колку дијагнозата го погодила. „Кога дознав, бев шокиран. Но, барем тогаш разбрав зошто чувствував болка, замор и гадење за време на настапот“, рече тој.
Тимберлејк истакна дека е важно за него да ја сподели својата приказна за да ја подигне свеста за болеста и да им пружи поддршка на другите кои се борат со неа. „Не сум сигурен каква иднина ме чека на сцената, но овој момент и поддршката што ја чувствувам многу ми значи“, заклучи тој.
Лајмската болест, која се пренесува преку заразени крлежи, може сериозно да го наруши здравјето – најчесто ги зафаќа кожата, зглобовите, нервниот систем и срцето. Симптоми како што се главоболки, болки во мускулите, несоница и чувствителност на светлина и звук се само дел од секојдневните предизвици со кои се соочуваат заболените.