12
Турција вчера ја погодиja серија земјотреси. Во земјотрес со јачина од 6,1 степен според Рихтеровата скала, кој синоќа го погоди округот Синдрги во Баликесир, западна Турција, загинал 81-годишен маж, а 29 лица биле повредени. По овој земјотрес, во Турција во текот на ноќта биле регистрирани околу стотина послаби потреси со јачина од 2 до 4,5 степени.
Утрово во Турција бил регистриран земјотрес и на 25 километри од центарот на Анкара, во округот Етимесгут, со јачина од 3,2 степени, јавија турските медиуми.
Земјотресот со јачина од 6,1 степен, кој во неделата го погоди Баликесир, бил почувствуван и во Истанбул, Бурса, Баликесир, Коджаели и околните провинции, пренесува турскиот весник „Хуријет“.
Епицентарот на земјотресот бил на длабочина од 11 километри, 52 километри од градот Баликесир, пренесе TRT Haberler.
Според изјавите на жителите, потресот бил силен и траел од 10 до 20 секунди.