0
Полските власти ќе изгонат 63 лица од земјата – 57 Украинци и 6 Белоруси, по концерт во Варшава на кој се веело знамето на украински ултранационалистички организации, соопшти премиерот на Полска, Доналд Туск.
„Тие ќе треба да ја напуштат земјата доброволно или под принуда“, рече полскиот премиер.
На концертот на Макс Корж во Варшава се веело знамето на ОУН-УПА.
ОУН е Организација на украинските националисти основана во 1929 година, со цел создавање независна и единствена украинска држава.
Умереното крило на ОУН е раководено од Андриј Мелник, а радикалното од Степан Бандера.
УПА е вооруженото крило на радикалното крило, коешто е создадено во 1942 година. Станува збор за милиција со партизанско дејствување која се борела против комунистите, Полјаците, и некои велат, и против нацистите.
За некои Украинци, припадниците на УПА се национални херои што се бореле за независност. За други луѓе, пак, во Русија и во Полска, станува збор за криминалци одговорни за ѕверства и соработка со нацистите.
Макс Корж е белоруски кантавтор, автор на песни и рапер, роден во градот Лунинец во Белорусија.