2
Оставањето на кучиња сами повеќе од 6 часа може да има негативно влијание врз нивното здравје, а многу ветеринари и љубители на животни сугерираат дека домашните миленици не треба да се оставаат сами.
А сега во Шведска е забрането и е казниво ако оставите куче само без надзор повеќе од шест часа по ред. Законот е уште построг во случај на кученца или постари кучиња, бидејќи им е потребна дополнителна грижа.
Имено, во согласност со шведскиот Закон за благосостојба на животните (Djurskyddslagen), кучињата се јасно дефинирани како законски заштитени суштества на кои мора да им се обезбедат основите на среќен живот.
Шведската влада ова го сфати сериозно, па затоа непочитувањето на горенаведените потреби на кучињата е исто така казниво. Точно е дека овој закон не влијае особено на оние од нас кои не живеат таму, но ни помага да ја разбереме сериозноста и одговорноста што мора да ја имаме како сопственици.