14
Жена на возраст од 61 година почина од повредите задобиени во сообраќајна несреќа попладнево во Кератеа, југоисточно во Атина, кога возилото со кое управувала се судрило со пожарникарски камион, јавија грчките медиуми.
Жената, која е бугарска државјанка, била пренесена в болница во Атина, каде набргу починала.
Двајцата пожарникари во камионот задобиле полесни повреди и биле пренесени во болница на Военото воздухопловство на Грција. Возачот на камионот бил првин уапсен, а потоа ослободен, на барање на обвинителот.
Инаку, и близу Атина и на Пелопонез беснеат огромни пожари. Во градот Патра, третиот по големина во Грција, вечерва се евакуираат илјадници жители откако пожарот почна да ги зафаќа периферните населби.