3
По вчерашните жестоки судири на демонстрантите – противници на власта и припадниците на владејачката партија СНС и полицијата, за вечерва организаторите на протестите повикуваат на огромна масовност на протестите – прошетки.
На улиците на Нови Сад и Белград вчера се случија жестоки судири. На улиците пред демонстрантите се појавија припадници на СНС, додека нејзиниот претседател и претседател на државата, Александар Вучиќ, се обраќаше на членовите на партијата во Белград.
Ispred prostorija SNS-a na Novom Beogradu okupljaju se naoružani maskirani batinaši! pic.twitter.com/esS07mo3Xz
— Zeleno-levi front (@nedavimobgd) August 13, 2025
Членовите на СНС беа маскирани и со палки во рацете, а во неколку инциденти со пиротехнички средства целеа кон демонстрантите – противници на власта. Имаше и полициски интервенции со примена на сила, при што доаѓаше и до судири со демонстрантите.
Zapaljene prostorije SNSa u bukevaru Oslobodjenja ❗️ Gradjani su saterali SNS pristalice u prostorije, i kada su pokušali da izađu na drugi izlaz, gradjani su počeli da ih jure❗️Jedan od SNSa je izvadio pištolj ❗️👀
Šta jedan čovek uradi od naroda ‼️😳 pic.twitter.com/By05AwbWrP
— Shonetin (@kaonikotinn) August 13, 2025
Во Нови Сад човек, за кој подоцна се утврди дека бил војник, извадил пиштол и пукал во воздух. Тврди дека противниците на режимот на Вучиќ му го загрозиле животот.
Собирањата и револтот на демонстрантите уследи откако членови на СНС претходно нападнаа демонстранти во Врбас и Бачка Паланка, при што фрлале кон нив пиротехнички средства, камења, шишиња и француски клучеви.
За вечерва студентите, кои уште од падот на натстрешницата на железничката станица во Нови Сад одзеден 16 животи, постојано протестираат, повикаа на огромна масовност на протестите, објавувајќи го распоредот.
„Вечерва ќе распукате по сите шевови“, ѝ порачаа студентите на власта. „Србијо, разбуди се!“, додаваат тие.
Денеска имаше голем број апсења, поради сомнежи за напади врз полицијата. Во Нови Сад беше уапсен еден маж под сомнеж дека со нога удрил полицаец во градите. Во Врбас се уапсени најмалку тројца.