14
Синоќа низ цела Србија се одржаа нови протести кои на некои места ескалираа во судири со поддржувачите на владејачката Српска напредна партија (СНС) и полицијата.
Немири избувнаа во Нови Сад и Белград, а протести се одржаа и во Крагуевац, Панчево, Ваљево, Ниш и други поголеми градови. Судири избувнаа и на овие места, но во помала мера отколку во Белград и Нови Сад.
Dogovaranje između policije i ćacija neposredno pre izbijanja haosa u Kneza Miloša je jedino što treba imati na umu.
Kome je u interesu građanski rat? pic.twitter.com/a1eYTeXsEF— GRF BLOKADE (@grf_blokade) August 14, 2025
Неколку минути по полноќ, се огласи Ивица Дачиќ, српскиот министер за внатрешни работи, наведувајќи дека низ целата земја се уапсени 37 лица.
Дополнително, рече тој, повредени се 42 полицајци, од кои 26 во Белград, седум во Ваљево и девет во Панчево. Бројот на повредени српски граѓани кои протестираа е непознат, но на социјалните мрежи се објавени видеа на кои се гледа како полицијата и поддржувачите на СНС се судираат со толпата.
🚨JE L’ I OVO PO NAREĐENJU⁉️ pic.twitter.com/hRyftXiDCN
— Studenti Singidunuma (@singistudenti) August 14, 2025
Меѓу повредените граѓани е и српскиот пратеник Пеѓа Митровиќ, кој тврди дека бил претепан од „насилници на СНС“ со метални шипки.
Конфликтот ескалираше особено во Нови Сад, каде што канцелариите на владејачката СНС беа целосно демолирани.
Иако на некои места граѓаните останаа на улиците и по полноќ, до 1 часот наутро протестите, како и немирите, завршија.