3
Гран При на Малезија во Сепанг се одржуваше од 1999 до 2017 година и беше една од омилените на многу фанови во караванот. Долго време недостасуваше од календарот, но постои иницијатива да се врати.
Директорот на патеката, Азан Шафриман Ханиф, рече дека нема да биде лесно.
„Не сакаме да ги повториме грешките од минатото. Ја оставивме Формула 1 да си оди и сега е многу тешко да ја вратиме. Има листа на чекање за да се врати, а секако трошоците се многу високи. Ни беше кажано дека компензацијата е 70 милиони долари по трка. Тоа не ги вклучува трошоците за подготовка, кои се помеѓу 2,3 и 4,7 милиони долари за секој настан. Вкупно, враќањето на трката би нè чинело повеќе од 73 милиони долари“, рече Шафриман.
„Има многу заинтересирани страни и нема да биде лесно. Но, ако сме навистина сериозни, можеби можеме да почнеме да разговараме. Сите, од владата до корпоративниот сектор, сакаат да ја вратат Формула 1 во Малезија. Треба да погледнеме како го прави тоа Сингапур. Тие ги имаат сите вклучени во успехот – министерства, корпоративен сектор, хотели. Сите придонесуваат. Ние треба да го сториме истото.“, додаде тој.
Малезија се откажа од Формула 1 во 2017 година бидејќи трошоците за нејзино организирање стануваа повисоки, а продажбата на билети опаѓаше. Во еден момент, Сепанг беше само втората азиска трка во Формула 1, по Јапонија.