24
Познатата актерка Шерон Стоун е „соло играч“ повеќе од две децении и се чини дека ужива во тоа, со оглед на тоа што дури и во својата седма деценија е меѓу најпосакуваните жени во светот.
Иако долго време е сама, актерската дива неодамна откри дека некогаш била во врска со познатиот рапер Нели, според Page Six.
Иако сега отворено проговори за тоа, деталите не се познати, дури ни периодот во кој се одвивала нивната љубовна приказна, која, сепак, не траела долго.
Поточно – тој познат втор состанок никогаш не се случил.
Се чини дека актерката во последно време размислува повторно да пронајде љубов, бидејќи неодамна призна дека повторно носи вистински „женски гаќички“ откако нејзините синови повеќе не живеат под нејзиниот покрив.
„Не носиш женски гаќички кога имаш толку многу момчиња низ куќата. Ти си само маж и ти си таа што ги носи панталоните… Јас сум повторно таму. Јас сум повторно девојка. Се чувствувам навистина женствено повторно. Ја пуштив косата да ми расте, неверојатно е“, рече Шерон.
Шерон Стоун е мажена двапати. Таа беше во брак со Мајкл Гринбург од 1984 до 1987 година, а во 1988 година се омажи за новинарот Фил Бронштајн, од кого официјално се разведе во 2004 година по 16 години брак. Стана мајка кога со него во 2000 година посвои син, Роан (25), а по разводот посвои уште два сина, Лејард (20) и Квин (19).