25
Британската Кралска воена авијација испрати шпионски авиони и се приклучи на другите сили на НАТО во Северното Море во потрагата по руска подморница за која се претпоставува дека е сериозна закана за носач на авиони на САД кај Норвешка.
Во она што извори од одбранбените сили го нарекуваат „навистина необичен пораст“ на активности, членките на НАТО од неделата распоредија најмалку 27 специјализирани авиони за лов на подморници. Операцијата, за која инсајдери велат дека не е вежба, доаѓа во моментот кога „Џералд Р. Форд“, најнапредниот и најскапиот носач на авиони на светот, вреден околу 10 милијарди долари, извршува вежби со норвешката морнарица во арктичките води.
Британската Кралска воена авијација испрати 8 авиони P-8A Poseidon од Шкотска, додека норвешката воена авијација имала уште три полетувања од базата Евенес, длабоко во Арктичкиот круг.
И морнарицата на САД испраќа патролни авиони од базата на Исланд, како и засилување од Сицилија.
Се смета дека оваа операција почнала околу 19 часот во неделата.