8
Од утрово во Белград и Нови Сад се поставени билборди со порака за роденденот, упатена до Александар Лукашенко, долгогодишниот и авторитарен лидер на Белорусија.
Според српските медиуми, зад акцијата стои десничарското конзервативно движење „Naši“, чиј претставник Иван Ивановиќ е потписник на пораката.
На постерите пишува: „Среќен роденден претседателе Лукашенко! Србија ве сака!“. Ова не е прв пат претходно споменатото движење да организира вакви акции – во февруари 2024 година, Белград беше преплавен со пораки за поддршка на белорускиот претседател.
Во декември 2019 година, Александар Лукашенко беше во официјална посета на Белград, каде што беше пречекан со церемонијална добредојде пред Палатата на Србија.
По тој повод, српскиот претседател Александар Вучиќ нагласи дека односите меѓу двете земји се пријателски и дека Србија отсекогаш ја имала поддршката од Белорусија во меѓународните прашања.