8
Само минатата недела, српската влада му наложи на Народното собрание да прифати предлог-закони за задолжување на земјата во вкупен износ од околу 410 милиони евра.
Србија се задолжува од Европската инвестициска банка (ЕИБ), Меѓународната банка за обнова и развој, Германската банка за развој (KfW) и Француската агенција за развој, пишува „Данас“.
Државата се задолжува со 100 милиони евра од Европската инвестициска банка за модернизација на железницата Ниш-Димитровград.
Финансискиот договор меѓу Србија и Европската инвестициска банка открива една важна информација: цената за модернизација на железницата Ниш-Димитровград е речиси двојно зголемена од првата проценка на вредноста на проектот во 2017 година. Тогаш, проектот беше проценет на 268 милиони евра, а денес таа бројка достигна дури 502 милиони.
Србија веќе зеде заем од 134 милиони евра од Европската инвестициска банка во 2018 година за модернизација на оваа железница, а сега ги повлекува преостанатите 100 милиони евра.
Од новата цена на чинење од 502 милиони евра, 234 милиони евра се обезбедени од заеми од ЕИБ, 162,08 милиони евра од српскиот буџет, а 105,92 милиони евра се донација од Инвестициската рамка за Западен Балкан (WBIF).
Србија, исто така, се задолжува од Меѓународната банка за обнова и развој во износ од 27,2 милиони евра за модернизација на даночната администрација, која со години се бори со недостиг на работна сила, па целта на модернизацијата е да се ослободат работниците и дел од работата да се префрли на машини.
Се задолжуваат и кај Германската банка за развој (KfW) во износ од 135 милиони евра за реформа на секторите за енергетика и заштита на животната средина.
Србија, исто така, зеде два заеми од Француската агенција за развој. Првиот заем, во износ од 12 милиони евра, е наменет за Електрорежа Србија за реконструкција и дигитализација на објектот РП 110 kV Панчево 1, при што државата ја презема улогата на гарант.
Вториот, значително поголем заем од 135 милиони евра беше одобрен за спроведување на политиката за зелен раст. Ова е втората кредитна линија, бидејќи државата веќе повлече една транша и ист износ од 135 милиони евра.