6
Ревидираните меѓународни здравствени прописи, кои стапија во сила во петок, ѝ даваат на СЗО овластување да прогласи „пандемиска вонредна состојба“, највисоко ниво на тревога за да ги охрабри земјите да преземат мерки за да се заштитат од опасни болести.
Организацијата може да го стори тоа под одредени услови: кога се појавува вирус што се заканува да се прошири преку националните граници, кога капацитетот на здравствените системи е во опасност, кога постои ризик од големи социјални и економски последици и кога е потребен координиран меѓународен одговор.
Според новите правила, земјите мора да развијат капацитети за рано откривање, следење и итен одговор на патогени.
Одборот на СЗО ќе ги поддржи земјите-членки во воспоставувањето национално тело за оваа цел.
Земјите-членки исто така ќе треба да имаат капацитет за борба против дезинформациите за болестите и за спроведување заштитни мерки.
СЗО нагласи дека, дури и според новите правила, ќе може да издава само препораки за итни мерки и нема да може да наредува блокади, задолжителни вакцини или затворање на границите. Земјите-членки ќе можат да одлучат дали да ги спроведат препораките на СЗО.