Сирискиот министер за одбрана Мурхаф Абу Касра и командантот на Сириските демократски сили (СДФ), поддржани од САД, генерал Мазлум Абди, денеска договорија сеопфатно примирје на сите фронтови во северна и североисточна Сирија.
Мировниот договор веднаш стапува во сила.
Неодамнешните судири помеѓу двете страни фрлија сенка врз значајниот договор потпишан во март помеѓу СДФ, предводени од Курдите и новата сириска Влада предводена од исламистите за интеграција на регионалните сили во државните институции.
Спогодбата има за цел да помогне во обединувањето на земјата по 14-годишната граѓанска војна и да го отвори патот за спојување на курдските сили, под чија контрола е една четвртина од Сирија со Дамаск, заедно со регионалните курдски управни тела.
Сирискиот претседател Ахмед ал Шара денеска во Дамаск имаше средба со американскиот специјален претставник за Сирија, Томас Барак, и со шефот на Централната команда на САД, адмирал Бред Купер.
Разговорите, на кои присуствуваа сирискиот министер за надворешни работи, Асад ал Шибани, министерот за одбрана, Абу Касра и шефот на разузнавањето, Хусеин ал Саламех, се фокусираа на неодамнешните настани во Сирија, поддршката за политичкиот процес и напорите за зајакнување на безбедноста и стабилноста.