20
Во Европската Унија, 8,2 проценти од граѓаните кои спаѓаат во категориите вработени или самовработени лица се соочуваат со ризик од сиромаштија, според тековните податоци на Евростат.
Податоците покажуваат дека работата не секогаш гарантира финансиска сигурност и дека дури и оние кои работат можат да живеат под линијата на сиромаштија.
Жените се малку помалку изложени на ризик од мажите, со стапка на ризик од 7,3 проценти, додека за мажите стапката е 9%.
Трендовите покажуваат дека постои значителен родов јаз во многу земји од Европската Унија, но постојат и исклучоци каде што жените се повеќе погодени.
Највисоката стапка на сиромаштија кај вработените е моментално во Луксембург, со 13,4 проценти, додека најниската е во Финска, со само 2,8 проценти.
Во 22 од 27-те земји од Европската Унија, стапката на сиромаштија кај вработените е повисока кај мажите отколку кај жените, а најголемата разлика е забележана во Романија, со 8,1 процент.
Спротивно на тоа, во Чешка, Латвија, Кипар и Луксембург, жените кои работат се изложени на поголем ризик од сиромаштија од мажите, според податоците објавени на веб-страницата на Евростат.