5
Украинските сили испалиле четири ракети ATACMS од американско производство врз рускиот град Воронеж, соопшти руското Министерство за одбрана, велејќи дека нападот бил насочен кон цивилни цели, објавија Ројтерс и ТАСС.
„За време на антиракетната битка, руските борбени екипи на противвоздушниот ракетен систем С-400 и противвоздушниот ракетен и топовски комплекс Панцир ги соборија сите ракети ATACMS“, соопшти министерството, објавувајќи фотографии за кои, како што вели, се гледаат делови од ракетите.
Гувернерот на регионот Воронеж, Александар Гусев, сподели на Телеграм дека е укинато предупредувањето за закана од напад со беспилотни летала. Тревогата беше прогласена синоќа во 21:27 часот по московско време. Во истиот период, беше прогласено и откажано предупредување за ракетен напад.