11
Српскиот министер за финансии Синиша Мали, во неделата изјави дека од утре, 1 декември, пензиите во Србија ќе бидат зголемени за 12,2 проценти. Сите пензионери, повторно и оваа година, ќе ги добијат пензиите зголемени еден месец порано, од декември, наместо од јануари, рече Мали, најавувајќи дека зголемените пензии ќе бидат исплатени во јануари.
– Со претстојното зголемување на пензиите, просечната пензија оваа година ќе изнесува околу 437 евра, додека просечната пензија во 2026 година ќе достигне 488 евра – истакнал тамошниот министер.
Пензиите во Србија се целосно стабилни и никогаш не биле повисоки, вели Мали и додава дека Владата на Србија продолжува да работи на подобрување на квалитетот на живот на најстарите и се движи кон просечна пензија од 650 евра до крајот на 2027 година.
Српскиот министер најавил дека ќе следат и други зголемувања на приходите на граѓаните – платите во јавниот сектор ќе бидат повисоки за 5,1 процент, почнувајќи од 1 јануари 2026 година, додека минималната плата ќе се зголеми за 10,1 процент, што ќе надмине 550 евра.