Благоја Милевски не е повеќе селектор на фудбалската репрезентација на Македонија. Фудбалската федерација му се заблагодари на досегашниот предводник на националниот тим, кому му истече договорот, и сега Македонија ќе добие нов предводник за баражот за пласман на Светското првенство 2026 година.
Милевски го презеде националниот тим на Македонија во 2021 година, веднаш после Европското првенство. Го донесе до бараж за СП 2022 година во Катар, но загуби во финалето од Португалија, откако претходно селекцијата ја елиминираше Италија во оној историски меч во Палермо.
„Искрена благодарност до Благоја Милевски и неговиот стручен штаб за досегашната посветена работа, професионалната соработка и постигнатите резултати.
Му посакуваме здравје и многу успех во понатамошната тренерска кариера“, стои во објавата на ФФМ.
Се очекува во многу скоро време ФФМ да назначи нов селектор. Најсериозен кандидат е сегашниот тренер на Вардар, и поранешен капитен на репрезентацијата Гоце Седлоски.