Фудбалерите на Шкендија забележаа победа над Слован од Братислава со 2:0 (2:0), во рамките на петтото коло од Конференциската лига. Ова е втората победа за Шкендија во групната фаза, со што тимот ја зголеми својата бодовна колекција на седум и направи скок на 18-то место на табелата, оставајќи реални шанси за пласман во нокаут фазата.
Шкендија го реши натпреварот уште во првото полувреме. Во 33-та минута Бајриќ постигна автогол, а во првата минута од судиското надополнување водството го дуплираше Спахиу.
Покрај трите освоени бода, за овој триумф Шкендија обезбеди и 400.000 евра, колку што УЕФА ја вреднува победата во Конференциската лига.