Бјанка Ценсори, сопругата на раперот Канје Вест, го претставила својот прв дел од проектот „Bio Pop (The Origini)“. Изложбата го привлече вниманието на јавноста поради необичниот концепт, вклучувајќи „човечки мебел“ и маска со ликот на Бјанка.
Domesticity is the mother of all revolutions, because all others trace back
to it.Bianca Censori, Bio Pop 2025 pic.twitter.com/NE0Z1ZvwRA
— tre (@treluvsit) December 11, 2025
Првиот дел од изложбата бил емитуван во живо од Сеул, Јужна Кореја, а Бјанка го надополнила својот настап со смел моден избор.
Посебно внимание предизвикал столот направен од кукли: грбот на куклата служи како седиште, рацете како наслони, а главата како потпирач. Над тоа се наоѓа „човечка ламба“, додека и масата е изработена во ист стил. Деталите на инсталацијата на социјалните мрежи ги претставила нејзината сестра Анџелина.
Бјанка освен со изложбата, вниманието го привлекла и со својот стајлинг. Таа носела тесен црвен комбинезон од латекс кој ја истакнал нејзината витка фигура, а го комбинирала со чизми. Изгледот многумина ги потсетил на стајлингот на Бритни Спирс од спотот за нејзината песна „Oops!… I Did It Again“ од 2000-те.
Изложбата била исполнета со необичен „човечки мебел“ што Бјанка сама го дизајнирала, вклучувајќи маски со нејзиното лице.
Според најавата на организаторот, мебелот го симболизира „продолжувањето на телото“ и има за цел да ја претвори удобноста во ограничување, а функционалноста во уметничка непријатност. Сепак, дел од публиката и критичарите ја опишуваат изложбата како бизарна, вознемирувачка и нарцисоидна, додека други ја гледаат како радикален уметнички израз.
Inside Bianca Censori’s wildest project yet in South Korea as she performs in a skintight latex bodysuit and sits on bizarre ‘human furniture’ https://t.co/FONaPGjRD1
— Daily Mail Celebrity (@DailyMailCeleb) December 11, 2025
Како што е наведено во соопштението за медиумите, мебелот е замислен како продолжение на телото и дизајнерски објект што ги руши границите помеѓу телото, предметот и идолот. Секое парче ја трансформира удобноста во ограничување, а функционалноста во уметнички израз.
Сепак, изложбата не поминала без технички проблеми. За време на преносот во живо, се случил ненадеен прекин, па наместо планираните 15 минути завршил по 11 минути. Преносот повеќе не е достапен за јавноста.