17
Црногорскиот претседател Јаков Милатовиќ денес објави дека Франција го укинала ветото за две од петте поглавја од преговорите за пристапување кон Европската Унија и дека земјата ќе затвори вкупно пет поглавја до крајот на годината.
„Во текот на последните два дена имав пријателски и конструктивни разговори со францускиот претседател Емануел Макрон, по што Црна Гора ќе ги затвори сите пет поглавја на следната меѓувладина конференција“, објави Милатовиќ денес на социјалната мрежа Х.
Вчера беше објавено дека Франција го блокирала затворањето на поглавјата 11 и 13 од преговорите за пристапување на Црна Гора кон Европската Унија на состанокот на Работната група на Советот на ЕУ и Комитетот на постојани претставници на земјите-членки во петокот вечерта.
Според неофицијални информации од црногорското издание „Вјести“, Французите на состаноците на овие тела тврделе дека двете поглавја не се подготвени за „отфрлање“ и дека не се доволно координирани со достигнувањата на ЕУ, без, сепак, да наведат конкретни причини за таков став.
Три поглавја добија зелено светло синоќа во Брисел – 3 (Право на основање и слобода на давање услуги), 4 (Слободно движење на капитал) и 6 (Трговско право).