Голем пожар избувна вечерва во магацини на пазар на кој се продаваат разни стоки во Тирана, главниот град на Албанија, објави агенцијата Анадолија.
Голем број противпожарни екипи беа ангажирани на терен за гаснење на пожарот што зафати голема површина од магацински простори каде што има облека и други запаливи материјали.
Според прелиминарните информации од надлежните служби, нема извештаи за смртни случаи или повредени, но е предизвикана значителна материјална штета.
Причината за пожарот сè уште не е позната, а се очекува официјално соопштение од властите.