🎬Зеленски: Русите ја погодија амбасадата на Катар

5

Во својата прва изјава по синоќешните руски напади, украинскиот претседател Володимир Зеленски објави дека руски дрон ја оштетил зградата на амбасадата на Катар.

Зеленски рече дека во нападот биле погодени станбени згради и енергетски објекти, и дека Русија користела вкупно 242 дронови и 13 балистички ракети. Според него, Москва лансирала и балистичка ракета со среден дострел „Орешник“, како и 22 крстосувачки ракети.

– Нападот се случи во самиот момент на силен студен бран, рече Зеленски, нагласувајќи дека бил токму насочен кон нормалниот живот на обичните луѓе.

In Kyiv and the region, the aftermath of the massive Russian strike is still being dealt with. All necessary services are deployed. Twenty residential buildings alone were damaged. Recovery operations after the strikes also continue in the Lviv region and other regions of our… pic.twitter.com/AMkwfKHOkC

— Volodymyr Zelenskyy / Володимир Зеленський (@ZelenskyyUa) January 9, 2026

Украинскиот претседател додаде дека руски дрон ја оштетил и зградата на амбасадата на Катар. Тој потсети дека Катар е земја која интензивно посредува со Русија за да обезбеди ослободување на воени заробеници и цивили кои се наоѓаат во руските затвори.

Зеленски повика на јасен одговор од меѓународната заедница, првенствено од САД, чии сигнали Русија навистина ги зема предвид.

– Русија мора да добие јасна порака дека е должна да се сврти кон дипломатијата и дека мора да ги чувствува последиците секој пат кога повторно ќе одлучи да убива луѓе и да уништува инфраструктура, рече тој.

Конечно, тој нагласи дека денешниот напад претставува и „многу гласен потсетник за сите наши партнери дека поддршката на воздушната одбрана на Украина е траен приоритет“.