11
Хрватскиот премиер Андреј Пленковиќ денес во Њу Делхи изјави дека за време на разговорите со српскиот претседател Александар Вучиќ „ги смирил стравувањата на Србија во врска со одбранбената соработка меѓу Хрватска, Албанија и Косово“.
„Ги смиривме стравувањата што, според нас, постојат во Србија во врска со соработката меѓу министерствата за одбрана на Хрватска, Косово и Албанија. Објаснив дека оваа соработка е фокусирана на техничка соработка меѓу нашите оддели и не е насочена на никаков начин против Србија. Значи, колку што видов од неговата (Вучиќ) изјава, таа сега е прифатена“, изјави Пленковиќ за новинарите на маргините на Самитот за вештачка интелигенција во Њу Делхи, пренесува Хина.
Вучиќ вчера им соопшти на новинарите во Делхи дека Пленковиќ му рекол дека соработката меѓу Хрватска, Албанија и Косово и Метохија не е насочена против Србија.