5
Кипар ќе аплицира за членство во НАТО, кога ќе дозволат условите, изјави претседателот на земјата, Никос Христодулидес.
Тој, исто така, наведе дека неодамнешните ирански напади врз Кипар биле насочени исклучиво кон британските бази во земјата и објасни дека имало одредена вознемиреност во врска со изјавата на британскиот министер за одбрана во однос на британските бази на Кипар и дека оваа изјава предизвикала загриженост кај кипарската страна.
Тој изјави дека биле потребни дури и контакти со британскиот премиер за да се разјасни дека британските бази на Кипар не се користат за офанзивни операции поврзани со војната.
Христодулидес, исто така, изјави дека нападите што досега се започнати првенствено доаѓаат од Либан и дека е во постојана комуникација со претседателот на државата.
„Бидејќи разбирате дека од Иран, во многу случаи, целта е Израел. Значи, тие минуваат низ регионот, минуваат низ поширокиот Источен Медитеран и тоа е нешто што многу внимателно се следи“, изјави тој, додавајќи дека Кипар има свои системи кои се значително подобрени, додека во исто време постои заштитата што ја имаат Британците и договори со европските земји.
Запрашан за можноста Кипар да се приклучи кон НАТО, тој изјави дека сака Кипар веднаш стане членка на Алијансата, но дека тоа во моментот тоа не може да се случи поради постојните политички услови и ставот на Турција.