6
Српската влада на утринската вонредна седница донесе одлука да го забрани извозот на нафта и сите нафтени производи за погон на мотори, се вели во соопштението.
„Забраната се однесува на извозот на дизел, бензин и сирова нафта за сите видови на транспорт до 19 март, по што ќе донесеме дополнителни одлуки. Суштината на оваа забрана е да се заштити домашниот пазар од недостиг и скокови на цените, поради глобалните нарушувања на светскиот пазар“, изјави министерката за рударство и енергетика, Дубравка Ѓедовиќ Хандановиќ.
Таа истакна дека Србија е земја „во која граѓаните плаќаат нафтени производи поевтини од нивната реална цена на берзата“ и дека државата прави „сè за да ги заштити граѓаните и економијата“.