„Бизнисот кажува дека ситуацијата е алармантна“, рече вечерва во Бизнис21 на ТВ21 заменик претседателот на ССК, Ромео Костадинов околу моменталната состојба и кризата која се заканува со конфликтот на Блискиот Исток, и поскапувањето на цените на нафтата и горивата во целина.
„Од енергетската криза, ковид кризата стопанството уште не застана на нозе, а сега следува нова криза. Енергенсот е клучен инмпакт во цените на сите производи. Во овој случај имаме непредвидлива цена на нафтата. Стопанството не е способно да издржува толку многу удари во толку краток период. Се уште имаме сектори од ковид не закрепнаа како што е угостителството. Тие не се вратени на старите позиции, а се соочени со нов удар. Прашањето е дали ќе биде полоша ситуацијата ако нема суровина, или ако ја има, ама е скапа. Македонското стопантство нема да го издржи овој удар без последици“, вели Костадинов.
Костадинов рече дека во моментов нема интенција за покачување на цените на некои од основните производи, но дека тоа може да се смени доколку продолжи поскапувањето на горивата.