Покачувањето на цената на нафтата предизвиката од војната на Блискиот Исток, беше главната тема во Бизнис 21 на ТВ21 вечерва во која имаше тројца соговорници: Ромео Костадинов, заменик претседател на ССК, потоа Благица Петрески од Finance Think и универзитетскиот професор Константин Димитров.
Димитров кажа дека оваа Влада води сметка за покачувањата и ова зголемување на цената на горивата нема да влијае многу на стопанството.
„Владата води сметка и многу внимателно и паметно го размислува. Вели ‘ќе реагираме ако има дополнителна потреба за промена на цена’. Веројатно процениле дека ова зголемување нема ‘да скрши кичма’ на стопанството. Дали ова ќе може да издржи еден месец, тоа не знам. Секое зголемување на цената сите нѐ боли“, рече Димитров.