14
Министерот за одбрана Братислав Гашиќ денес изјави дека Србија не се вооружува за да се заканува некому, Србија се вооружува за да може да ги брани своите граѓани и земјата, без, како што изјави, никаква опасност за своите соседи.
„Кога станува збор за оружје и воена опрема, ништо не се прави ад хок и од денес за утре, тоа се прави и се планира со години, секоја опрема што сакате да ја набавите сега каде било во светот, не можете да ја имате две, три до четири години, потоа опремата се тестира и се воведува во армијата“, изјави тој за ТВ Пинк.
Тој изјави дека воената неутралност на Србија овозможува набавка на најсовремена опрема и од Исток и од Запад.
„Не ги гледаме нашите соседи, не ги гледаме другите, се гледаме себеси и ги градиме нашите капацитети на ниво кое може да биде фактор за одвраќање“, рече Гашиќ.
Тој додаде дека имплементацијата на дигиталната армија ќе започне во јуни оваа година, дека новите средства што ќе влезат во употреба ќе бидат прикажани на Видовден, 28 јуни, и дека воениот аеродром во Батајница се подготвува за пристигнување на нови авиони „Рафал“.