На Попова Шапка утрово измерени -4 степени, согласно информациите од УХМР за 8:30 часот. Следуваат Берово со -1 степен, потоа Маврово и Крушево со нула степени. Најтопло утрово беше во Скопје и во Велес каде беа измерени 6 степени.
Најмногу дожд наврна исто на Попова Шапка (4 литри на метар квадратен), а во Претор наврна еден литар на метар квадратен.
На Попова Шапка висината на снежната покривка изнесува 58 сантиметри.
Времето денеска променливо облачно со повремен локален дожд. Ќе дува слаб до умерен, наместа повремено засилен ветер од северен правец. Максималната температура ќе биде во интервал од 9 до 15 степени.
Во Скопје, променливо облачно со слаб до умерен ветер од северен правец. Во делови од котлината ќе има услови за повремен слаб дожд. Максималната температура ќе достигне до 15 степени.