10
Лидерот на опозициската партија Тиса, Петер Маѓар, вечерва изјави дека е „претпазлив оптимист“, откако беа објавени анкетите што ја покажуваат лидерската позиција на листата што ја предводи, заблагодарувајќи им се на гласачите кои ја препознаа важноста на парламентарните избори.
На прес-конференција, Маѓар оцени дека ова е „историски ден“ и им се заблагодари на гласачите што излегоа во огромен број на гласачките места.
Лидерот на Тиса ги поздрави сите оние што помогнаа да се спречи „изборна измама“, бидејќи податоците што ги има покажуваат дека купувањето гласови било помалку успешно отколку на изборите во 2022 и 2018 година, според Би-Би-Си (BBC).
Маѓар ги отфрли тврдењата на владејачката партија Фидес на Виктор Орбан дека опозицијата подготвува насилни протести.
„Ги молам сите да бидат смирени, трпеливи и да се подготват за прославата“, рече Маѓар.