21
Европската демократска партија објави интересен пост на социјалните мрежи што ги разбесни српските медиуми.
„А, Б, В… можеби звучи како игра, но не е – иако ве покануваме да ни кажете кој мислите дека ќе биде следниот суверенистички лидер што ќе падне. Како што пишува Ен Аплбаум во „Атлантик“ денес, победата над Орбан покажува дека нелиберализмот е далеку од неизбежен. Популизмот и суверенизмот не победуваат случајно; тие напредуваат таму каде што политиката не успева. Вистинското прашање не е само кој е следен, туку кој ќе научи од унгарската лекција“, се вели во објавата објавена од српскиот Курир под наслов „Скандалозно! Европските демократи објавуваат листа за отстрел, а Александар Вучиќ е на неа“ и додава „Во Брисел се цртаат цели врз главите на независните лидери.
A, B, C… it may sound like a game, but it isn’t – though we do invite you to tell us who, in your view, will be the next sovereigntist leader to fall. As Anne Applebaum writes today in The Atlantic, Orbán’s victory shows that illiberalism is far from inevitable. Populism and… pic.twitter.com/oSJGLdKlzz
— European Democrats (@democrats_eu) April 13, 2026
„Суверенитетот е нивниот единствен грев“, смета порталот на Вучиќ.
Иако европските демократи јасно нагласуваат дека корисниците пишуваат кој мислат дека ќе падне следен, вистинското прашање е кој ќе научи од унгарската лекција, Курир прочита дека тоа е облог, а списокот на политичари е, според нив, листа за отстрел. Освен прецртаниот, засега единствениот поразен, Виктор Орбан, се наоѓа и Џорџија Мелони, турскиот претседател Ердоган, словачкиот Фицо, Доналд Трамп и конечно српскиот претседател Александар Вучиќ.
„Криејќи се зад слоганот „лекции од Унгарија“, оваа партија всушност започна потера по секој што одбива да игра според туѓи правила, што не сака да биде фигура на туѓа шаховска табла. И што – тоа е единствениот грев на овие политичари?! Тие не се против Европа, ниту против народот. Политичката независност е нивниот единствен грев. Тие се осмелија да бараат право сами да донесуваат одлуки и да ги штитат националните интереси. Во светот на „европските“ демократи, ова е непростливо!“, драматично објави Курир.