Украинската војска погоди нафтена рафинерија во рускиот црноморски град Туапсе, што е втор удар за помалку од една недела, соопшти денеска на Телеграм командантот на украинските беспилотни сили Роберт Бровди.
Руските власти соопштија дека по нападот избувнал пожар и најмалку едно лице загинало. Ова се случило само неколку часа откако бил изгаснат пожарот од сличен напад извршен на 16 април.
Рафинеријата во Туапсе, во сопственост на компанијата „Роснефт“, била ориентирана кон извоз и има капацитет да преработува околу 240.000 барели сурова нафта дневно.