Претседателката на Европската комисија Урсула фон дер Лајен му ја честиташе изборната победа на Румен Радев, изразувајќи очекување за понатамошна соработка во интерес на Бугарија и Европа.
Во објава на социјалните мрежи, таа истакна дека Бугарија е важен дел од европското семејство и има значајна улога во справувањето со заедничките предизвици.
„Очекувам со нетрпение да работиме заедно за просперитетот и безбедноста на Бугарија и Европа“, порача фон дер Лајен.
Нејзината изјава доаѓа по изборите во Бугарија, на кои Радев извојува победа, што отвора нова фаза во односите меѓу Софија и институциите на Европската Унија.